دولت روسیه گفته است تحولات در مرز تاجیکستان و افغانستان در مرکز توجه این کشور قرار دارد و “در صورت لزوم، آماده حمایت قاطعانه” از تاجیکستان است.
پس از تسلط طالبان بر افغانستان، امامعلی رحمان، رئیس جمهور تاجیکستان موضع شدیدی در برابر این گروه گرفته است و گفته میشود که شماری از رهبران جنبش مقاومت ضد طالبان نیز در دوشنبه، پایتخت این کشور تحت محافظت دولت به سر میبرند.
برخی رهبران طالبان اخیراً هشدار دادهاند که تاجیکستان در امور داخلی افغانستان نباید مداخله کند. تاجیکستان نیز در خط مرزی اش با افغانستان نیرو اعزام کرده و گفته که طالبان هزاران نیرو در تخار و دیگر مناطق نزدیک مرز با تاجیکستان مستقر کردهاند.
ماریا زاخاروا، سخنگوی وزارت امور خارجه روسیه در یک کنفرانس خبری گفته است روسیه امیدوار است که طالبان به وعدههای خود در مورد جلوگیری از تهدیدهای امنیتی از سوی افغانستان به کشورهای دیگر، “اولتر از همه، کشورهای همسایه” عمل کند.
به گفته خانم زاخاروا “در صورت لزوم، ما مطابق با اصول اتحاد روسیه و تاجیکستان و مشارکت استراتژیک، همان طوری که رهبری روسیه بارها اعلام کرده است، قاطعانه عمل خواهیم کرد.”
او اضافه کرده است روسیه برای “تقویت امور دفاعی و مرزی تاجیکستان با توجه به الزامات عملیاتی” به این کشور کمک میکند. پایگاه ۲۰۱ نظامی روسیه در تاجیکستان برای حمایت از حکومت تاجیکستان در صورت نیاز در هرگونه تنش “کاملا مجهز شده است”.
او همچنین افزود که روسیه از ارتباطات خود با جنبش طالبان مرتبا برای تشویق آنها برای ایجاد یک دولت فراگیر و “یک سیاست مسئولانه و متمدنانه” طالبان در قبال بازیگران خارجی و شهروندان کشور استفاده میکند.
در همین حال، روسیه از طالبان برای شرکت در یک نشست بینالمللی در مسکو درباره افغانستان در ماه جاری نیز دعوت کرده است.
ضمیر کابلوف، نماینده ویژه رئیس جمهور پوتین در امور افغانستان، روز پنجشنبه گفت که یک دور از گفتگوها در ۲۰ اکتبر در مسکو برگزار میشود.
روسیه در دو سال گذشته میزبان چندین نشست بینالمللی در مورد افغانستان با حضور رهبران طالبان و دیگر چهرههای مهم سیاسی افغانستان بوده است.
روسیه میگوید در صورت بروز تنش در مرز تاجیکستان و افغانستان ‘قاطعانه عمل میکند’
دولت روسیه گفته است تحولات در مرز تاجیکستان و افغانستان در مرکز توجه این کشور قرار دارد و “در صورت لزوم، آماده حمایت قاطعانه” از تاجیکستان است. پس از تسلط طالبان بر افغانستان، امامعلی رحمان، رئیس جمهور تاجیکستان موضع شدیدی در برابر این گروه گرفته است و گفته میشود که شماری از رهبران جنبش مقاومت […]
- ارسال توسط : afghanistan
- 315 بازدید
- بدون دیدگاه